२९ जेठ २०७८, शनिबार
विश्वव्यापी महासंकट बन्दै गएको नयाँ भेरियन्टसहितको दोस्रो लहरको नोबेल कोरोना भाइरस (कोभिड–१९) को समस्या परेका ५० नागरिकहरुलाई बाँके जिल्लामा अवस्थित दुई कर्मचारी संगठनहरुले राहत वितरण गरेका छन् ।
नेपाल राष्ट्रिय कर्मचारी महासंघ र नेपाल राष्ट्रिय कर्मचारी संगठन जिल्ला कार्य समिति, बाँकेले आज उक्त राहत वितरण गरेको हो । महासंघका अध्यक्ष पवनदेव अर्याल र संगठनका अध्यक्ष हरिश्चन्द्र पाण्डे नेतृत्वको संयुक्त टोलीले ५० जना नागरिकहरुलाई २५ केजीका दरले राहत वितरण गर्नुभएको कर्मचारी संगठनका प्रतिनिधि हरि थापाले जानकारी दिनुभयो ।
“विशेषगरी कोभिड–१९) बाट अति प्रभावितहरुलाई यो रकम बाँडिएको हो,” कोरपाटीसँग कुरा गर्दै प्रतिनिधि थापाले भन्नुभयो, “दुवै संगठनको साझा प्रयासमा ५० जनालाई २५ केजी चामलसहित अन्य आवश्यक सामाग्री वितरण गरिएको छ ।”
विपद्को समयमा हरेकले मानवीय भाव प्रकट गर्दै सामाजिक दायित्व निभाउनु पर्छ भन्ने ध्येयका साथ राहत हस्तान्तरण गरिएको जनाउनुभएका उहाँले माओवादी नेता अक्कल बम, नविन शर्मा र डिल्ली बराललगायतको सहभागितामा विपन्नहरुलाई सहयोग गरिएको बताउनुभएको थियो ।
