२२ जेठ २०७८, शनिबार
जिल्ला प्रहरी कार्यालय सुर्खेतले ब्राउन सुगरसहित चार जना व्यक्तिलाई वीरेन्द्रनगर सुर्खेतबाट पक्राउ गरेको छ ।
वीरेन्द्रनगर नगरपालिका ६ सुर्खेत गोदाम लाइनस्थित सञ्चालनमा रहेको मिलन रेस्टुेरेन्टबाट होटल सञ्चालक महिलासहित चार जना व्यक्तिलाई पक्राउ गरेको हो । जिल्ला प्रहरी कार्यालय सुर्खेतको सादा पोशाकमा खटिएको प्रहरी टोलीले उनीहरुलाई ८१ पुडिया ब्राउन सुगरसहित शनिबार पक्राउ गरेको हो । प्रहरीका अनुसार होटलमा सल तथा फ्यानमा लुकाईछिपाई राखेको अवस्थामा खोजतलास गर्दा ८१ पुडिया अर्थात (सात ग्राम ४५० मिलिग्राम) ब्राउन सुगर भेटिएको थियो ।
पक्राउ पर्नेमा अन्दाजी ५४ वर्षीय होटल सञ्चालक महिला विष्णुदेवी शाही, गुराँस गाउँपाकिला ५ दैलखका २१ वर्षीय युवती सरु शाही, वीरेन्द्रनगर नगरपालिका ६ सुर्खेतका १८ गौरव क्षेत्री र सोही नगरपालिका वडा नं.९ सुर्खेतका १८ प्रदीप खत्री रहेकोे बताईएको छ ।त्यसैगरी, खोजतलासको क्रममा पाँच वटा प्रयोग नभएको नाईट्रोभेट ट्याब्लेट र श्रोत नखुलेको विभिन्न दरका नेपाली र भारतीय नोट रु.पाँच लाख आठ हजार २०० बरामद गरी नियन्त्रणमा लिईएका उनीहरुको थप अनुसन्धान कार्य अगाडि बढाईएको प्रहरीले जनाएको छ ।
