१९ जेठ २०७८, बुधबार
पछिल्लो एक सातामा कर्णालीमा कोरोना संक्रमणबाट निको हुनेको संख्यामा वृद्धि आएको छ । विगत केही समयदेखि निरन्तर डिस्चार्ज हुनेको संख्या बढ्दै जाँदा बिरामीहरुमा पनि आत्मबल बढेको छ ।
जेठ १८ गते ४४९ जनाले कोरोना जितेर घर फर्के । आज एकैदिन थप ६१० जनाले कोरोना संक्रमणबाट मुक्त भएका छन् । स्वास्थ्य सेवा निर्देशनालय कर्णाली प्रदेशले पनि पछिल्लो एकसाता यता कर्णालीमा कोरोना संक्रमितको संख्यामा कमी आएको जनाएको छ । कर्णालीमा आज ३५९ जनामा गरिएको आरटी पीसिआर परीक्षणबाट १५१ जना र ६५७ जनाको एन्टिजेन परीक्षण हुँदा १९० जनामा कोरोना भाइरस पुष्टि भएको छ ।
आजका दिनसम्म ४४० जना थप आइसोलेशनमा थपिएका छन् भने सक्रिय संक्रमितको संख्या चार हजार ९२९ जना रहेको जनाईएको छ । । पछिल्लो २४ घण्टामा थप तीन जनाको मृत्यु भएको छ । हिमाली जिल्ला मुगुमा एक र सुर्खेतमा दुई जना गरी ३ जनाको कोरोनाबाट मृत्यु हुनेको संख्यामा थपिएपछि कर्णालीमा कोरोनाबाट ज्यान गुमाउनेको संख्या २५१ पुगेको स्वास्थ्य सेवा निदेइशनलाले जनाएको छ ।
