OnlinePana

आज : २०८० मंसिर १४ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताजेठ १२, २०७८ सुर्खेत
४०६ पटक

 १२ जेठ २०७८, बुधबार

कर्णाली प्रदेश सरकारका मुख्यमन्त्री महेन्द्रबहादुर शाहीले नेपाललाई विश्वमा चिनाउन बुद्धको महत्वपूर्ण योगदान भएको बताउनुभएको छ । उहाँले बुद्ध दर्शनले मानवीयताको पाठसमेत सिकाएको विचार व्यक्त गर्नुभएको छ ।

मुख्यमन्त्री शाहीले आज एक शुभकामना सन्देशमार्फत ‘२५६५औँ बुद्धजयन्ती–२०७८’ को अवसरमा बौद्ध धर्मावलम्बीसहित देश विदेशमा रहनुभएका सम्पूर्ण नेपाली आमा दाजुभाइ तथा दिदीबहिनीहलाई शुभकामना व्यक्दै गर्दै बुद्धले प्रतिपादन गरेका उपदेश तथा मार्गदर्शनले सिंगो विश्व समुदायलाई मानवीय सिकाएको जनाउनुभएको छ ।

आफ्नो सन्देशमार्फत उहाँले भन्नुभएको छ “बुद्ध संसारकै शान्ति र अंिहसावादी सोचले पूर्ण प्रेरणाका स्रोत हुन् । बुद्धकै योगदानले नेपाल विश्वमा शान्तिको देश भनेर चिनिँदै आएको छ । अहिंसा, त्याग र शान्तिका प्रतीक बुद्धका उपदेशलाई विश्वले मान्यता दिएको छ । यो नेपालका लागि गर्वको कुरा हो । बुद्धभूमिका नेपालीहरुले उहाँका मार्गदर्शनलाई अवलम्बन गरेर विश्वका अन्य मूलुकका नागरिकहरुलाई एकता र शान्ति खोज्न नेपाल आउने वातावरण बनाउनु पर्दछ।”

विश्व शान्तिका अग्रदूत तथा बौद्ध धर्मका प्रवर्तक र नेपालका राष्ट्रिय विभूति गौतम बुद्धको जन्म, बुद्धत्व प्राप्ति र महापरिनिर्वाण प्राप्ति सबै आज अर्थात् वैशाख शुक्ल पूर्णिमाकै दिन भएकाले त्रिसंयोगको दिनको महत्वपूर्ण अवसरमा मनाउँदै गरिएको बुद्धजयन्तीले सबै नेपालीमा आपसी प्रेम, सद्भाव, सहिष्णुता र भातृत्व अभिवृद्धि गर्दै सामाजिक एकता कायम गर्न प्रेरणा प्रदान गर्ने अपेक्षा गरेको उहाँले बताउनुभएको छ ।

शुभकामना सन्देशमार्फत बुद्धका मागदर्शनको आत्मसातबाट सामाजिक तथा साँस्कृतिक विविधतासहितको राष्ट्रिय एकता सुदृढ हुने विश्वास रहेको र हाल विश्वभर फैलिएको नयाँ भेरियन्टसहितको कोभिड–१९ बाट आफू बच्न र अरूलाई बचाउन नेपाल सरकारले लागू गरेको स्वास्थ्य सुरक्षाका मापदण्डसहित निषेधाज्ञाको पूर्ण पालना गर्न आग्रह गरिएको छ ।

प्रतिकृया दिनुहोस्