OnlinePana

आज : २०७८ कार्तिक ८ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताचैत्र २, २०७७सुर्खेत
२३३ पटक

 २ चैत २०७७, सोमबार

विश्वव्यापी सिद्धान्तलाई मूल आधार बनाएर अब कर्णालीमा पहुँचयुक्त संरचना निर्माण गर्नुपर्नेमा सरोकारवालाहरुले जोड दिएका छन् ।

राष्ट्रिय अपाङ्ग महासंघ नेपाल, कर्णाली प्रदेश सुर्खेतले सिबिएमसँगको सहकार्यमा ‘हामीलाई पनि समावेश गर’ परियोजनाअन्तरगत दुई दिनसम्म सञ्चालन भएको ‘पहुँचयुक्तता र विश्वविव्यापी सिद्धान्त’ सम्बन्धी तालिम समापन कार्यक्रम बोल्दै आज नगरप्रमुख देवकुमार सुवेदीले वीरेन्द्रनगरसहित कर्णालीमा निर्माण हुने सम्पूर्ण संरचना पहुँचयुक्त बनाउनतर्फ लाग्नुपर्ने बताउनुभयो ।

प्रदेश सरकार तथा स्थानीय तहमा कार्यरत प्राविधिकहर (सिभिल, आर्किटेक्ट र आईटी विज्ञ) र पत्रकार सञ्चारकर्मीहरुबीचको छलफलबाट पहुँचयुक्त डिजाईनको आवश्यकता र औचित्यबारे निर्माण गरेको मस्यौदा नगरपालिकामा पेश गर्न भन्दै नगरप्रमुख सुवेदीले सिकेका कुरा सबैका लागि हुनेगरी जीवन व्यवहारमा उतार्न सुझाउनुभयो ।

महासंघका अध्यक्ष विष्णुप्रसाद शर्माले अपाङ्गतामैत्री नभई पहुँचयुक्त संरचना हाम्रा लागि नितान्त आवश्यक भएको बताउनुभयो । “अब सेवा प्रदायक हरेक निकायले पहुँचयुक्त वेवसाईट निर्माण गर्नुपर्दछ,” अध्यक्ष शर्माले भन्नुभयो, “हामीले तत्काल कर्णालीका वीरेन्द्रनगर तथा लेकबेसी नगरपालिका र गुराँस तथा सिम्ता गाउँपालिकालाई पहुँचयुक्त पालिकाका निर्माणमा जोड दिँदैछौं ।”

उहाँले कर्णालीमा हालसम्म दोभाषे जनशक्ति नहुँदा अपाङ्गता भएका व्यक्तिलाई समस्या भएको गुनासो पोख्नुभयो । अपाङ्गता भएका व्यक्ति रमेश केसीले कागजमा लेखिएको अधिकारले अपाङ्गताका समस्या हल नहुने भन्दै कार्यान्वयतर्फ जोड दिन सरोकारवालालाई आग्रह गर्नुभयो । प्राविधिकद्वय रोशनी शाही र विशेष शर्माले तालिमले सर्वमान्य सिद्धान्तमा आधारित भएर संरचना निर्माण गर्न नौलो सीप प्रदान गरेको र आँखासमेत खुलेको प्रतिक्रिया दिनुभयो ।

राष्ट्रिय अपाङ्ग महासंघ नेपालका आर्किटेक्ट परामर्शदता मिलन बगालेले ‘हामीलाई पनि समावेश गर’ परियोजनाका संयोजक बिमल पौडेलले पहुँचयुक्तताको सर्वव्यापी सिद्धान्तबारे प्रशिक्षण दिनुभएको थियो । प्रशिक्षकद्वयले पहुँचयुक्तताको विश्वव्यापी सिद्धान्तसँग सम्बन्धित न्यायोचित प्रयोग, प्रयोगमा लचकता, सरल र सहज पहुँच, ईन्द्रियगोचर (प्रत्यक्ष÷स्पष्ट) सूचना, त्रुटिप्रति सहिष्णुता, न्यून बलको प्रयोग, पहुँच र उपयोगका लागि आकार एवं स्थानका बारेमा प्रष्ट्याउनुभएको थियो ।

तालिममा अपाङ्गता भएका व्यक्ति (बहिरा)हरुलाई प्रशिक्षकद्वय दिलमाया गुरुङ (पोखरा) र स्मृति योगी (दाङ)ले सांकेतिक भाषाबाट तालिममा उठेका विषय तथा सवालहरुको अनुवाद गर्नुभएको थियो । उक्त तालिममा ६० जनाको सहभागिता रहेको छ ।

प्रतिकृया दिनुहोस्