दाना शाही आश्विन १५, २०७७सुर्खेत
४०४ पटक
१५ असोज २०७७, बिहीबार
कर्णाली प्रदेश अस्पताल सुर्खेतमा कार्यरत अर्थोपेडिक सर्जन डा.हरि सापकोटाको कोरोना भाइरस संक्रमणबाट मृत्यु भएको छ ।
५८ वर्षीय डा.सापकोटको उपचारको क्रममा भेरी अस्पताल नेपालगञ्जमा आज ३ः०० बजे मृत्यु भएको कर्णाली प्रदेश स्वास्थ्य सेवा निर्देशनालयका प्रमुख डा.रविन खड्काले जानकारी दिनुभयो । दुई साताअघि कोरोना संक्रमण पुष्टि भएका उहाँलाई प्रदेश अस्पतालमा सास फेर्न गाह्रो भएपछि थप उपचारका लागि नेपालगञ्जको भेरी अस्पतालमा पुर्याइएको थियो ।
आज एक्कासी स्वास्थ्यमा समस्या देखिएपछि भेन्टिलेटरमा राखेर उपचार गर्दा दिउँसो ३ः०० बजेतिर मृत्यु भएको कर्णाली प्रदेश स्वास्थ्य
निर्देशनालयका प्रमुख डा. रविन खड्काले जानकारी दिए । डा.सापकोटा प्रदेश अस्पतालमा लामो समयदेखि कन्सल्ट्यान्ट प्रमुखका काम गर्दै आउनुभएको थियो ।
