Skip Add

OnlinePana

आज : २०७७ कार्तिक १४ गतेPreeti to UnicodeUnicode to PreetiRoman to UnicodeDate Converter
दाना शाही साउन १२, २०७७काठमाडौं
२१८ पटक

१० साउन २०७७, सोमबार

मुलुकभर झैं कर्णाली प्रदेशमा हालसम्म कोरोना संक्रमण नियन्त्रणमा आउन सकेको छैन । तर बन्दाबन्दी खुलेको एकसाता पुग्न थालेको छ । सरकारी तथा गैरसरकारी कार्यालय तथा शहर बजारमा नागरिकहरुको भीडसमेत बढ्दै जाँदा अब यो संक्रमण झन् फैलिने सक्ने खतरा देखिन्छ ।

यसले बिगतमा देखिएको कोेरोना भाइरसको मनोविज्ञान भन्दा अब कोरोना रोगले ग्रसित भएपपछि नागरिकहरु स्वास्थ्य संस्थामा आउने र मृत्यु हुने खतरा बढेको चिकित्सकहरुले बताउँदै आएका छन् । कर्णाली प्रदेश अस्पतालका कोरोना संम्पर्क व्यक्ति डा.के.एन.पौडेलले बिगत्मा संक्रमण मात्र देखिँदै आएकोमा अब लक्षण नै देखिने अवस्थामा पुगेकोले खतरा बढेको बताउनुभयो ।

कर्णालीको जुम्लामा संक्रमित व्यक्ति निको भएर घर गएपछि कोरोना मुक्त भएको छ । यद्यपि परीक्षणको दायरा बढाउँदा संक्रमण देखिने संभावना त्यत्तिकै रहेको चिकित्सकहरुले प्रतिक्रिया दिँदै आएका छन् । आज मात्रै कर्णालीका ३१ जना व्यक्तिमा कोरोना संक्रमण पुष्टि भएको सामाजिक विकास मन्त्रालय जनस्वास्थ्य शाखाका स्वास्थ्य शिक्षा अधिकृत नवराज कँडेलले जानकारी दिनुभयो ।

दैलेख अस्पतालमा गरिएको आरटी पिसिआर परीक्षणमा दुल्लु नगरपालिका दैलेखका २८ चौरजहारी नगरपालिका पिसिआर प्रयोगशालमा गरिएको परीक्षमा सल्यान कुमाख गाउँपालिकाका दुई र कर्णाली प्रदेश अस्पताल सुर्खेतमा गरिएको आरटी पिसिआर परीक्षणमा चिङ्गाड गाउँपालिकाको एक जनामा संक्रमण पुष्टि भएको स्वास्थ्य शिक्षा अधिकृत कँडेलले बताउनुभयो ।

उहाँका अनुसार यही शनिबार २७, हिँजो आईतबार २८ र आज ३१ संक्रमित थपिएसँगै कर्णालीमा कोरोना भाइरसबाट संक्रमित हुने संख्या एक हजार ९१० पुगेको छ । यो क्रम घटेको छैन । दुई महिला र १२ पुरुष संक्रमित निको भएर घर फर्केसँगै कर्णालीमा कोरोना जितेर घर फर्कनेको संख्या एक हजार ६५९ पुगेको मन्त्रालयको जनस्वास्थ्य शाखाले जनाएको छ ।

प्रतिकृया दिनुहोस्