कात्तिक २५, २०७५ नेत्र शाही ।
जुम्ला । जुम्लामा पछिल्लो समयमा बलात्कारका घटनाहरु बढिरहेका छन् ।
दशै र तिहारको समयमा यहाँ चार जना महिलाहरु बलात्कृत भएका जिल्ला प्रहरी कार्यालय जुम्लाका प्रहरी नायव उपरीक्षक सिताराम रिजालले जानकारी दिनुभयो ।
जिल्ला प्रहरी कार्यालय जुम्लाका अनुसार जिल्लाको पातारासी गाउँपालिका वडा न. २ की सिडि ( नाम परिवर्तित महिला ) कार्तिक १८ गते बलात्कृत भएकी छन् । पिडित महिलाको बयानको आधारमा जवरजस्ती करणीको नाममा सोही वडाका ४५ बर्षिय भैरे सार्कीलाई पक्राउ गरिएको प्रहरी नायव उपरीक्षक रिजालले बताउनुभयो । यसैगरी तिला ४ की घास काटन गएकी दुई महिला कार्तिक १८ गते घर आउदा ४ जनाको समुहमा जवरजस्ती करणीमा परेका छन् । यो घटनामा ४ जनाको किटानी जाहेरी भएको छ भने बलात्कारीको खोजी तथा अनुसन्धान भईरहेको प्रहरीले जनाएको छ ।
यसैगरी कार्तिक १ गते यहाँको तातोपानी गाउँपालिका वडा २ का एक महिलालाई समेत बलात्कार गरिएको प्रहरीले जनाएको छ । सो घटनामा वडा नं ३ कै २६ बर्षिइ भक्त सार्कीलाई प्रहरीले पक्राउ गरेको बताएको छ ।
स्वास्थ्य परीक्षणमा कठिनाई ः
यसैगरी पिडित र पिडक दुुवैको जुम्लामा स्वास्थ्य परीक्षण हुन नसकेका कारण अनुसन्धानमा समस्या भएको छ । कर्णाली स्वास्थ्य विज्ञान प्रतिष्ठान शिक्षण अस्पताल जुम्लाले विशेषज्ञ र तालिम प्राप्त चिकित्सक नभएको भन्दै स्वास्थ्य परीक्षण नगरेको हो ।
जिल्ला प्रहरी कार्यालय जुम्लाले २०७५ कार्तिक २२ गते भने स्वास्थ्य परीक्षण गर्न भन्दै पत्राचार समेत गरेपछि प्रतिष्ठानका मेडिकल डाईरेक्टर डा. पुजन रोकायाको हस्ताक्षरीत प्रतिउत्तर पत्रमा फोरिजन विशेषज्ञ र तालिम प्राप्त चिकित्सक नहुदा प्रतिष्ठानमा स्वास्थ्य परीक्षण गर्न नसकिने भनिएको छ । यता जिल्ला प्रहरी कार्यालय जुम्लाले कालिकोट जिल्ला स्वास्थ्य कार्यालयमा स्वास्थ्य परीक्षण गर्न पठाएको र ढिला भएमा प्रमाणहरु नष्ट हुने डर भएको प्रहरी नायव उपरीक्षक रिजालले बताउनुभयो ।
विशेषज्ञ डाक्टरको लागि गुहार ः
जिल्ला प्रहरी कार्यालयले भने विशेषज्ञ डाक्टर उपलब्धताका लागि संघीय ईकाई सुर्खेत – हाल नेपालगंजमा पत्राचार गरेको छ । यसको वोधाथृ प्रहरी प्रधान कार्यालय र जिल्ला प्रशासन कार्यालयलाई गरिएको छ ।
प्रतिष्ठानमा सो स्तरको तालिम प्राप्त चिकित्सक नभएको र राजपत्रमा उल्लेख भएअनुसार परीक्षण नहुने पत्र पठाएपछि पत्राचार तथा गुहार मागिएको प्रहरीले बताएको छ । परीक्षण जुम्ला नहुदा पिडित पक्षहरुलाई झन पिडित बनाएको पिडितहरुको गुनासो रहेको छ । यसैगरी करिब ३ महिना अघि पनि एक मेला हेर्न गएकी बालिका बलात्कृत सामुहिक बलात्कारमा परेकी थिईन् ।
कोरपाटी संवाददाताकार्तिक २५, २०७५काठमाडौं
३९६ पटक
- हस्त वहादुर वुढाले जन्मदिनमा एकसय बिद्यार्थीलाई पोशाक सहयोग गरे
- हिमा गाउँपालिकाको प्रशासनिक भवन शिलान्यास
- खुला मञ्चको सरसफाईमा जुटेको जुम्ली एकता समाज
- किरियामा बसेर सेवा प्रवाह गर्दै लेखपाल आचार्य
- गुठिचौर–३ का ३९ जनालाई टर्नेलपाल वितरणः सरकारलाई लगानी गर्न उर्जा थपिदिन वडा अध्यक्ष वुढाको अनुरोध
- कर्णाली प्राविधिक शिक्षालयको ४४ ओै बार्षिक उत्सव
- पर्यटकीय क्षेत्र गुठिचौरमा प्यारा ग्लाईडिङ परीक्षण
- पत्रकारलाई स्वास्थ्य सम्बन्धी अभिमुखिकरण
- अत्याधुनिक हतियारसहित यार्सा लुट्ने व्यक्ति पक्राउ
- वडा स्तरका युवा क्लब र बाल क्लबविच पोषण सम्बन्धि अभिमुखिकरण सम्पन्न