दिलमाया शाही जुम्ला कार्तिक १६।
पुरुषले प्रयोग गर्ने मदिरा सेवनका कारणले जुम्लाका महिला र बालबालिका पिडित भएका छन्। रातिको समयमा मदिरा सेवन गरिे घरमा आई कलह र हल्ला गर्ने भएकाले महिला र बालबालिका पिडित हुन् । मदिरा सेन गरि घरमा झगडा गर्दा महिला र बालिबालिकाको बिचली हुने गरेको तातोपानी गाउँपालिका ५ लाम्राका सत्यदेवि डाँगीले बताइन । उनले भनिन रातिको समयमा कतिपय महिलाहरु अर्काको घरमा जानु पर्ने अवस्था सृजना भएको छ । गाउँमा अहिले विकृति र विसंगति मौलाएको तर्फ संकेत गर्दे उनले महिला समूहहरु जाग्नु पर्ने बेला आएको बताइन।
महिला र बालबालिका असुरक्षित हुनु भनेको डर लाग्दो विषय भएको उल्लेख गर्दे डाँगीले घरमा शान्तिपूर्वक बस्ने अवस्था नरहेको उनको भनाइ छ । जुम्लामा यति बेला मदिराका विषयमा निकै चर्चा र परिचर्चा भइरहेको छ । मदिराकै कारणमा गाउँमा अशान्ति मच्चिएको भन्दै गुठिचौर गाउँपालिका ५देपालगाउँले मदिरा निषेधित वडा घोषणा गर्दै छ । मदिराले गाउँमा विकृति र विसंगति मौलाएको भन्दै वडाले खुल्ला रुपमा मदिरा विक्रि विरतणका लागि इजाजत पत्र लिएका पसलेहरुलाई १५ दिन भित्र गाउँपालिकामा जान सूचित गरि सकेको वडाध्यक्ष चन्द्रवहादुर नेपालीले जानकारी दिए ।
उनले भने इजाजत विना कोहि कसैले पनि मदिरा विक्रि वतरण गर्न नपाइने भएको छ । गाउँमा कसैले मदिरा बिक्री वा सेवन गरेको पाइए पहिलो चरणमा सम्झाई बुझाई गर्ने र दोस्रो पटक त्यस्तो कार्य गरेको भेटिएमा कारबाहीको प्रक्रियामा जाने बताए । गुठिचौर ५ देपालगाउँमा रहेको नागरिक मञ्चले पनि जाँडरक्सी र जुवातास मुक्त गाउँ घोषणाका लागि पूर्ण रुपले सहयोग गर्ने बताएको छ । पहिलो चरणमा बजारबाट गाउँमा आउने घरेलु मदिरालाई निषेध गरिने बताउँदै अध्यक्ष नेपालीले गाउँमा उत्पादन हुने मदिरामा पनि बन्देज लगाउने बताए।
अवैध रूपमा मदिरा उत्पादन तथा बिक्री–वितरण र सेवनबाट समाजमा नकारात्मक प्रभाव पर्दैै जान थालेपछि यस्तो अभियान थालिएको हो । मदिरा सेवनकै कारण जुम्लामा अप्रिय घटना भएपछि वडाध्यक्ष नेपालीको रोहबर र नागरिक मञ्चको पहलमा मदिरा निषेधित वडा घोषणा गर्न लागिएको हो । घरेलु मदिरा उत्पादन र अन्य गुणस्तरीय मदिरासमेत वडामा सञ्चालित पसलहरूमा बिक्री वा सेवनमा रोक लगाउन स्थानीय महिला समूह, युवा क्लब एकजुट हुन थालेका छन् ।
मदिरा उत्पादन तथा बिक्रीबाट समाजमा एक–दुईवटा परिवारको आर्थिक अवस्थामा सुधार आए पनि सिंगो समाजलाई नै नकारात्मक असर गरेकाले मदिरा नियन्त्रण गर्न थालिएको वडाध्यक्ष नेपालीले जानकारी दिए । उनका अनुसार पहिलो चरणमा सबैलाई जानकारी गराई मदिरा बिक्री–वितरण तथा सेवनमा रोक लगाउने निर्णय भएको छ । गाउँमा कुनै व्यवसायीले मदिरा बिक्री गरेमा वा कुनै व्यक्तिले मदिरा सेवन गरेर सार्वजनिक स्थलमा होहल्ला गरेमा जरिवाना गरिने बताए । सिंगो वडाका सबै बस्तीमा एकैपटक मदिरा नियन्त्रणका लागि विभिन्न टोलमा रहेका महिला समूह, आमा समूह, नागरिक समाज र युवा क्लबलाई निगरानीका लागि जिम्मेवारी तोकिने भएको छ । उक्त कार्यका लागि स्थानीय प्रहरीसँग पनि सहकार्य गरिने भएको छ। मदिरा नियन्त्रण गर्नको लागी जिल्ला प्रहरी कार्यालय जुम्लाले पनि अभियान तिब्र रुपमा अगाडी बढाएको छ ।
