१६ असार २०७८, बुधबार

राउटे समुदायका दुई युवतीमाथि यौन दुर्व्यवहार गर्ने सुर्खेतका तीन जना युवालाई पुर्पक्षका लागि कारागार चलान गरिएको छ ।

जिल्ला अदालत सुर्खेतले गुर्भाकोट नगरपालिकाका दोमनबहादुर घर्ती, भूपेन्द्र बुढा र होटल सञ्चालक विनोद पुनलाई पुर्पक्षका लागि जेल चलान गर्ने आदेश दिएको हो । उनीहरुविरूद्ध मानव ओसारपसार, यौन दुर्व्यवहार तथा जबरजस्ती करणाी को मुद्दा दर्ता भएको थियो ।

अदालका न्यायाधीश डिलप्रकाश सापकोटाको एकल इजलासबाट आज तीनै जना अभियुक्तलाई पुर्पक्षका लागि चलान गर्न आदेश दिईएको जिल्ला अदालत सुर्खेतले जनाएको छ। राउटे समुदायका १९ र २३ वर्षीया युवतीलाई होटलमा लगेर मदिरा सेवन गराई उनीहरुलाई यौन दुर्व्यवहार गरेको भिडियो गत जेठ २३ गतेदेखि सामाजिक सञ्जालमा सार्वजनिक भएपछि तीनै जनालाइ प्रहरीले पक्राउ गरेको थियो ।