कोरपाटी संवाददाताबैशाख २९, २०७८सुर्खेत
८२० पटक
२९ बैशाख २०७८, बुधबार
कर्णाली प्रदेश प्रमुख गोविन्दप्रसाद कलौनीले प्रदेशको चालु सातौं अधिवेशन अन्त्य गर्नुभएको छ ।
प्रदेश सरकारका मुख्यमन्त्री महेन्द्रबहादुर शाहीको अध्यक्षतामा बसेको मन्त्रिपरिषद् बैठकले प्रदेशभाको चालु सातौं अधिवेशन अन्त्य गर्न प्रदेश प्रमुखसमक्ष सिफारिस गरेको थियो । सो अनुसार नेपालको संविधानको धारा १८३ को २ बमोजिम प्रदेश प्रमुख कलौनीले आज राति १२ः०० बजेदेखि सातौं अधिवेशन अन्त्य गर्नुभएको छ ।
बैठकले ‘प्रदेश सरकार कार्य विभाजन नियमावली, २०७४’ को अनुसूची १ र २ मा हेरफेर गर्ने, ‘प्रदेश सरकार कार्यसम्पादन दोस्रो संशोधन, २०७८’ स्वीकृत गर्ने र ‘कर्णाली प्रदेश खेलकुद विकास ऐन, २०७६’ लाई पहिलो संशोधन गर्न बनेको विधेयक प्रदेशसभामा पेश गर्न स्वीकृति प्रदान गर्ने निर्णय गरेको छ ।
