सुर्खेत, २३ असार ः सुर्खेत प्रहरीले द्वन्द्वकालीन विष्फोटक पदार्थ फेला पारेको छ । विप्लव समुहको निगरानीका लागि गस्तीमा गएको प्रहरीले बम बनाउने विष्फोटक पदार्थ फेला पारेको हो ।
प्रहरी चौकी मटेला सुर्खेतबाट प्रहरी सहायक निरीक्षक नरबहादुर थापाको नेतृत्वमा आईतबार गस्तीमा गएको ३ जना प्रहरीको टोलीले चिङ्गाड गाउँपालिका ७ वडाकाँडास्थित बाटोको एकमिटर छेउमा ढुंगामुनि प्लाष्टिकको पोकामा लुकाएको अवस्थामा फेला पारेको थियो । जसमा बम बनाउन प्रयोग हुने सकेट ७८ थान, गन्धक २ केजी, सेफ्टी फ्यूज ८ थान, डेटकड १ मिटर र केप ६० थान फेला पारिएको जिल्ला प्रहरी कार्यालय सुर्खेतका प्रवक्ता एवं प्रहरी नायब उपरीक्षक प्रदीपबहादुर क्षेत्रीले जानकारी दिनुभयो ।
फेला परेका सबै विष्फोटक पदार्थहरु जिल्ला प्रहरी कार्यालय सुर्खेतमा अनुसन्धान भईरहेको उहाँले बताउनुभयो । त्यसैगरी, प्रहरीले आईतबार नै १४५ लिटर अवैध मह बरामद गरेको छ । बीरेन्द्रनगर नगरपालिका ८ सुर्खेत निवासी ४२ वर्षीय लक्ष्मी विक र १८ वर्षीय सुरेन्द्र सुनारले खाद्य पदार्थमा फिट्कीरी जस्तो अखाद्यवस्तु मिसाई लुकाई छिपाई राखेको अवस्थामा मह बरामद गरेको हो ।
बरामद गरिएको १४५ लिटर अवैध महसहित विक र सुनार दुवैलाई आवश्यक कारवाहीका लागि खाद्य प्रविधि तथा गुणस्तर नियन्त्रण डिभिजन कार्यालय सुर्खेतमा पठाईएको प्रहरीले जानकारी दिएको छ ।
कोरपाटी संवाददाताआषाढ २३, २०७६सुर्खेत
५२२ पटक
- थेल्स, टेस्ला र नरेश
- सामुदायिक मानसिक स्वास्थ्यसम्बन्धीको प्रथम अन्तर्राष्ट्रिय सम्मेलन जुम्लामा हुँदै
- ज्येष्ठ र अपाङ्गता पत्रकारहरूका लागि जीवन निर्वाह भत्ताको व्यवस्था गरिनेछ : प्रधानमन्त्री
- सामुदायिक मानसिक स्वास्थ्यसम्बन्धी अन्तर्राष्ट्रिय सम्मेलनमा ‘जुम्ला घोषणापत्र’ जारी
- लोकतन्त्रको विकासमा प्रेसजगत्को अहम् भूमिकाः मुख्यमन्त्री कँडेल
- कर्णालीमा ‘औद्योगिक प्रदर्शनी प्रतियोगिता’ भोलिदेखि
- औद्योगिक प्रदर्शनी प्रतियोगितामा राडीपाखी उद्योग प्रथम
- अब हाम्रो अभिभारा जनताको अवस्था बदल्नेः मुख्यमन्त्री
- नेपालको आर्थिक समृद्धिको ढोका दैलेखबाट खुल्छः मन्त्री भण्डारी
- मप विश्वविद्यालयलाई प्रतिस्पर्धी बनाउछौंः उपकुलपति गौतम