दाना शाही पौष १५, २०७७सुर्खेत
६५१ पटक
१५ पुस २०७७, बुधबार
पछिल्लो २४ घण्टामा कर्णाली प्रदेशमा १८ व्यक्तिमा कोरोना भाइरस संक्रमण देखिएको छ । कर्णाली प्रदेश सामाजिक विकास मन्त्रालय स्वास्थ्य सेवा महाशाखाले जारी गरेको प्रेस विज्ञप्ति अनुसार १८ व्यक्तिमा कोरोना संक्रमण पुष्टि भएको छ ।
नयाँ पुष्टिका १८ व्यक्ति थपिएसँगै कर्णालीमा कोरोना भाइरस संक्रमितको संख्या अब सात हजार ३३१ पुगेको मन्त्रालयका जनस्वास्थ्य प्रमुख नवराज कँडेलले जानकारी दिनुभयो । त्यस्तै, पछिल्लो २४ घण्टामा १८ जना कोरोना संक्रमणमुक्त भएको उहाँले बताउनुभयो ।
आज १८ व्यक्ति संक्रमणमुक्त भएसँगै कर्णालीमा कोरोना जितेर घर फर्कनेको संख्या सात हजार एक पुगेको छ ।
