पौष नेपाली अपांगता भएका व्यक्तिहरुको छाता संगठन राष्ट्रिय अपांग महासंघ नेपालको ८ औ संघीय महाधिवेशन आगामी चैत्र २५ र २६ गते हुने भएको छ ।
महासंघको प्रदेस ३ को अस्थायी राजधानी मकवानपुरको सदरमुकाम हेटौडामा सम्पन्न १३ औ पूर्ण वैठकले महाधिवेसन प्रदेस नं १ मा गर्ने निर्णय गरेको महासचिव राजु बस्नेतले जानकारी दिनुभयो । बस्नेतका अनुसार महासंघको महाधिवेसनको स्थान भने प्रदेस १ को महासंघले छनौट गरेको स्थानमा हुने भएको छ । प्रदेस सरकार, राष्ट्रिय अपाङ्ग महासंघ नेपाल र प्रदेश अपाङ्ग महासंघको समन्वयमा महाधिवेशन हुने भएको महासंघले जनाएको छ ।
नेपालमा अपाङ्गता भएका व्यक्तिहरुद्धारा स्थापित ३३० संस्था आवद्ध महासंघले लामो ईतिहास सम्म आफ्नो हक अधिकार र नितिगत पैरविमा निरन्तर काम गर्दै आएको छ । ३ बर्ष अघि पोखरामा सम्पन्न सातौ महाधिवेशनबाट दोस्रो पटक अध्यक्षमा निर्वाचित सुदर्शन सुवेदीको कार्यकाल सकिन थालेपछि चुनावी महाधिवेशन हुने भएको हो ।
नेपालले पछिल्लो समयमा सयुक्त राष्ट्रसंघले पारित गरेको अपांगता भएका व्यक्तिहरुको अधिकार सम्वन्धीको महासन्धी अनुमोदन समेत गरिसकेको छ । महासंघले राज्यसँगको निरन्तर पैरवि गरेपछि सोही अनुसारको नेपाल सरकारले अपांगता भएका व्यक्तिहरुको अधिकार सम्वन्धीको ऐन २०६४ समेत जारी गरिएको छ ।
संघीय संरचनामा प्रवेश ः
राष्ट्रिय अपाङ्ग महासंघ नेपाल संघीय संरचनामा गईरहेको छ । महासंघले नितिगत रुपमै ७ वटै प्रदेसमा आफ्नो संरचना स्थापना गर्न सफल भएको छ भने महासंघले सवै तहलाई महासंघको जिम्मेवारी दिने तयारी गरिरहेको छ । यसैगरी महाधिवेसन मिति तय हुदा भने नयाँ नेतृत्वका लागि नेतृत्व स्तरमा चासो बढ्न थालेको छ ।
नेत्र शाहीपौष २, २०७५ हेटौडा ः
१२२० पटक
- थेल्स, टेस्ला र नरेश
- सामुदायिक मानसिक स्वास्थ्यसम्बन्धीको प्रथम अन्तर्राष्ट्रिय सम्मेलन जुम्लामा हुँदै
- ज्येष्ठ र अपाङ्गता पत्रकारहरूका लागि जीवन निर्वाह भत्ताको व्यवस्था गरिनेछ : प्रधानमन्त्री
- सामुदायिक मानसिक स्वास्थ्यसम्बन्धी अन्तर्राष्ट्रिय सम्मेलनमा ‘जुम्ला घोषणापत्र’ जारी
- कर्णालीमा ‘औद्योगिक प्रदर्शनी प्रतियोगिता’ भोलिदेखि
- लोकतन्त्रको विकासमा प्रेसजगत्को अहम् भूमिकाः मुख्यमन्त्री कँडेल
- औद्योगिक प्रदर्शनी प्रतियोगितामा राडीपाखी उद्योग प्रथम
- अब हाम्रो अभिभारा जनताको अवस्था बदल्नेः मुख्यमन्त्री
- नेपालको आर्थिक समृद्धिको ढोका दैलेखबाट खुल्छः मन्त्री भण्डारी
- मप विश्वविद्यालयलाई प्रतिस्पर्धी बनाउछौंः उपकुलपति गौतम