१२ असोज २०७७, सोमबार

कर्णाल प्रदेश प्रहरी कार्यालय सुर्खेतले यस प्रदेशमा रहेका विभि जिल्ला प्रहरी कार्यालयबाट २२ जना फरार अभियुक्तलाई फक्राउ गरेको छ ।

प्रहरीले सोमबार र आइतबार गरी २२ फरार अभियुक्तलाई पक्राउ गरेको हो । असोज ११ गते एकैदिन १६ फरार अभियुक्तहरुलाई पक्राउ गरिएको कर्णाली प्रदेश प्रहरी कार्यालय सुर्खेतका प्रवक्ता एवं प्रहरी बरिष्ठ उपरीक्षक राजेशनाथ वास्तोलाले जानकारी दिनुभयो । हिजो आईतबार जिल्ला प्रहरी कार्यालय सुर्खेतले वन मुद्दाका दुई, जिप्रका दैलेखले गाली बेईज्जतीका आठ, मुगुले धनमाल मुद्दाका एक र जिल्ला प्रहरी कार्यालय कालीकोटले कर्तव्य ज्यानका तीन र जुवाको एक फरार अभियुक्तलाई पक्राउ गरेको प्रवक्ता वास्तोलाले जनाउनुभयो ।

प्रदेश प्रहरी कार्यालय सुर्खेतअन्तरगत असोज १० गते भने प्रहरीले ६ जना फरार अभियुक्तलाई पक्राउ गरेको थियो । त्यसमा जिल्ला प्रहरीका कार्यालय कालीकोटबाट जबरजस्ती करणीका एक र गाली बेईज्जतीका दुई, जिप्रका जाजरकोटबाट हुलाक ऐन सम्बन्धी र जबरजस्ती करणी उद्योगअन्तरगत एक÷एक फरार अभियुक्त पक्राउ परेको प्रदेश प्रहरी कार्यालयले बताएको छ । अदालतको फैसला कार्यान्वयनका क्रममा पक्राउ परेका सबै अभियुक्तलाई सम्बन्धित जिल्लाका अदालतसमक्ष पेश गरिएको प्रहरीले जनाएको छ ।