चैत २२ गते । नेपाली भाषाको उद्गमस्थल सिँजा क्षेत्रका जनतालाई मध्यनजर गर्दै सरकारले मालपात र नापी कार्यालयको सेवा शुभारम्भ तथा सिँजामा कार्यालय स्थापना गरिएको छ ।

नेपाल सरकारका भूमि व्यवस्था, सहकारी तथा गरिबि निवारण मन्त्री बलराम अधिकारीले एक कार्यक्रममा विच सिँजा गाउँपालिकाको नराकोटमा पानसमा बत्ति रिवन काटेर नापी र मालपोत कार्यालय उद्घाटन तथा पानसमा बत्ति वालेर सेवा सुभारम्भ गर्नुभएको हो । लामो समयको प्रतिक्षा पछि सिँजामा मालपोत र नापी कार्यालय स्थापना भएका छन् । सिँजा गाउँपालिका सहित सिँजा क्षेत्रका हिमा र कनकासुन्दरी गाउँपालिका जनताको प्रतिक्षामा रहेको उक्त कार्यालयहरु स्थापना गरि सेवा सुरु भएपछि सिँजाली नागरिकहरु खुशी भएका छन् ।
मालपोत र नापी कार्यालय स्थापना गर्दै मन्त्री अधिकारीले सिँजाका जनताको काम सहजकाताका लागि गाउँपालिकाको पहलमा सरकारले यहाँ मालपोत र नापी कार्यालय स्थापना गर्ने निर्णय गरिएको जानकारी दिनुभयो । उहाँले कार्यालय स्थापना भएपछि भरपुर रुपमा सेवालिन समेत जानकारी दिनुभयो ।

सिँजा गाउँपालिका अध्यक्ष पूर्ण प्रसाद धितालले गाउँपालिकाले लामो समय देखी थालेको पहलका विभिन्न चरण पार गर्दै सरकारले सिँजा गाउँपालिकाको नराकोटमा मालपोत र नापी कार्यालय स्थापना गर्न सरकारले गरेको निर्णय स्वागत भएको बताउदै नेपाल सरकारलाई विशेष धन्यवाद दिनुभयो । उहाँले मालपोत र नापीको कामका सिँजाका जनताका लागि दुई तिन दिन लगाएर सदरमुकाम जाने काम अव रोकिएको र घरबाटै आएर काम गर्न सकिने बताउनुभयो ।

सिञ्जामा मालपोत र नापी आवश्यकता पर्दछ भन्दै प्रधानमन्त्री पुष्पकमल दाहालको पाला देखीनै पहल शुरु गरिएको थियो । अहिले प्रधानमन्त्री केपी शर्मा ओलीको मन्त्री परिषदले २०८१ माघ २१ गते निर्णय गरेपछि बाटो खुलेको थियो । गाउँपालिका अध्यक्ष पूर्र्ण प्रसाद धितालका अनुसार सिँजा गाउँपालिका कार्यपालिकाको निर्णय, सिजा गाँउपालिकाको गाउँ सभाको निर्णय, जुम्लाका ८ वटा स्थानीय तहको सामुहिक निर्णय, जिल्ला समन्वय समितिको निर्णय, जिल्ला प्रशासन कार्यालयको सिफारिस, मालपोत कार्यालय जुम्लाको सिफारिस, नापी कार्यालय जुम्लाको सिफारिस,घर उपलब्ध गराउने विषयमा ईलाका प्रशासन कार्यालय नराकोटको प्रतिबद्वता, भुमिसुधार मन्त्रालयको अध्ययन प्रतिबेदन र मन्त्रीस्तरीय निर्णय, मालपोत बिभागको प्रतिबेदन समेतको सिफारिस, नापी बिभागको प्रतिबेदन समेतको सिफारिस, अर्थ मन्त्रालयको सहमति भुमिसुधार मन्त्रालयको ओएनएम प्रतिबेदन, सामान्य प्रशासन मन्त्रालय कानुन महाशाखाको राय, अर्थ मन्त्रालय, भुमिसुधार मन्त्रालय र सामान्य प्रशासन मन्त्रालयको संयुक्त बैठकको निर्णय, अर्थ मन्त्रालयको सहिमति सहित मन्त्रीपरिषदको निर्णय सहित विभिन्न २२ वटा भन्दा बढि चरण पार भएपछि सिँजाको नराकोटमा कार्यालय स्थापना गर्न सहज भएको छ । नापी तथा मालपोत कार्यालय स्थापना कार्यालयको स्वागत गाउँपालिका उपाध्यक्ष सितली रोकायाले स्वागत मन्तब्य राख्नु भएको छ । सिँजाली जनताको आवश्यकता र पिडालाई मध्यनजर गर्दै सरकारले नापी तथा मालपोत कार्यालय स्थापना गर्न सहयोग गरेकोमा धन्यवाद दिदै पूर्वाधार निर्माणका लागि पनि सरकारले सहयोग गर्न अनुरोध गर्नुभयो ।

सिञ्जामा मालापोत नापी कार्यालय स्थापना गर्ने निर्णय प्रति सिञ्जावासीले खुशी व्यक्त गरेका छन् । हजारौको संख्यामा उपस्थित भई खुशी साट्नुका साथै कार्यालय स्थापना तथा सेवा प्रवाहका लागि स्थानीय बाजागाजा सहित सिँजा पुगेका मन्त्री अधिकारी र नापी तथा मालपोत विभागका टोलीलाई भब्य स्वागत गरिएको छ ।

कार्यालय स्थापना कार्यक्रममा स्थानीय राजर्नैतिकदल, छिमेकी गाउँपालिका कनकासुन्दरी र हिमा गायउँपालिका सहित स्थानीयले सिँजामा नापी र मालपोत कार्यालय हुनु निकै महत्वपूर्ण रहेकोमा सरकारलाई धन्यवाद दिएका छन् । स्थापना कार्यक्रममा सिँजाली नागरिकले भौतिक खुशी साट्नुका साथै सामाजिक सञ्जाल मार्फत पनि खुशी व्यक्त गरेका छन् । संविधानसभा सदस्य तथा कर्णाली प्रदेशका पूर्व मन्त्री नरेश भण्डारीले सिंहदरबारबाट ८१४ किलोमिटर टाढा रहेर स्थानीय तहको प्रमुखले देखेको सपनालाई सार्थक तुल्याउने कथा सिँजामा मालपोत कार्यालय स्थापना हो । कार्यालय सिँजामा नहुदा जुम्ला बजार पुगेर नागरिकहरुले खेप्नु परेको सास्ति बिगत बन्ने विश्वास गर्दै वधाई तथा शुभकामना व्यक्त गर्नुभयो ।

सिँजामा यस अगाडि झण्डै १८ बर्ष अगाडि ईलाका प्रशासन कार्यालय पनि स्थापना हुदा अहिले हजारौ सिँजाका नागरिकले इलाका प्रशासन नराकोटबाटै नागरिकता वितरण भईरहेको छ । यस्तै ईलाका प्रशासनबाटै राष्ट्रिय परिचयपत्र समेत वितरण भईरहेको छ । जिल्ला प्रशासन कार्यालय वाँकेका सहायक प्रमुख जिल्ला अधिकारी तथा सिँजा निवासी उमाकान्त अधिकारीले मालपोत र नापी कार्यालय स्थापना सँगै एकिकृत सेवा केन्द्रमा थप बलियो भएको बताउनुभयो ।

क्याप्सन : सिँजा गाउँपालिकाको नराकोटमा मालपोत र नापी कार्यालय उद्घाटन तथा सेवा प्रवाह कार्यक्रममा उपस्थित हजारौ जनता तस्बिर ।

/