२३ मंसिर २०८१, आईतबार
नेपाल सरकारका गृहमन्त्री रमेश लेखक कर्णाली प्रदेश सुरक्षा समन्वय परिषद्को बैठकमा सहभागी हुन आज सुर्खेतमा आईपुग्नुभएको छ ।
भोलि प्रदेश राजधानी वीरेन्द्रनगर सुर्खेतमा बस्ने प्रदेश सुरक्षा समन्वय परिषद्को बैठकलाई सम्बोधन गर्न गृहमन्त्री लेखक सुर्खेत आईपुग्नुभएको हो । सुर्खेत विमानस्थलमा पार्टी कार्यकतासँगको भेटघाटपश्चात् उहाँले सुर्खेतस्थित गुर्भाकोट नगरपालिकाको गुमीमा रहेको चौरजहारी, राकम र सुर्खेतको गुमीमा स्थापित दंगा नियन्त्रण प्रहरी गणको निरीक्षण गरेर वीरेन्द्रनगर फर्कनुभएको छ ।
गृहमन्त्री लेखकले कर्णाली प्रदेश प्रमुख यज्ञराज जोशीसँग पनि शिष्टाचार भेटघाट गर्नुभएको छ । भोलिको प्रदेश सुरक्षा समन्वय परिषद्को बैठकमा कर्णाली प्रदेश सरकारका मुख्यमन्त्री यामलाल कँडेल, प्रमुख सचिव, सुरक्षा निकायका प्रमुखहरुको सहभागिता रहने जनाइएको छ ।
