सुर्खेत, २९ पुस ः कर्णाली प्रदेश सरकारले थारु जातिको मुख्य पर्व माघीमा सार्वजनिक विदा दिने भएको छ ।
थारु जातिका साथै अन्य जातिहरुले पनि यसलाई मनाउने भएकोले प्रदेश सरकारले आन्तरिक मामिला तथा कानून मन्त्रालयले विदाको सूचना गरेको हो । कर्णाली प्रदेश सरकारको गत कार्तिक १९ गते बसेको मन्त्रिपरिषद् बैठकले माघी पर्वमा विदा दिने निर्णय गरेको थियो । सोही निर्णयका आधारमा माघ १ गते सार्वजनिक विदा हुनेगरी सूचना प्रकाशन गरिएको कानून मन्त्रालयका प्रवक्ता तुलबहादुर खड्काले जानकारी दिनुभयो ।
“माघ १ गते बुधबारका दिनमा कर्णाली प्रदेशभरका सबै सरकारी र सार्वजनिक कार्यालय विदा हुनेछन्,” प्रवक्ता खड्काले भन्नुभयो, “सार्वजनिक संस्थान तथा शैक्षिक संस्था सबैले सार्वजनकि विदा पाउने छन् ।” प्रदेशबासी सबैको सहजताका लागि आज सार्वजनिक विदाको सूचना प्रवाह गरिएको उहाँले बताउनुभयो ।
प्रदेश सरकारको कार्तिक १९ गतेको मन्त्रिपरिषद् बैठकले भाद्र ४ गते प्रदेश स्थापना तथा सहिद दिवस, माघ १ गते माघे संक्रान्ति, साउन १ गतेका दिन साउने सक्रान्ति र देउडा पर्व तथा भोट ल्होसार र वकर इदको अवसरमा बिदा दिने निर्णय गरेको थियो ।
कोरपाटी संवाददातापौष २९, २०७६ सुर्खेत
९०६ पटक
- थेल्स, टेस्ला र नरेश
- ज्येष्ठ र अपाङ्गता पत्रकारहरूका लागि जीवन निर्वाह भत्ताको व्यवस्था गरिनेछ : प्रधानमन्त्री
- सामुदायिक मानसिक स्वास्थ्यसम्बन्धीको प्रथम अन्तर्राष्ट्रिय सम्मेलन जुम्लामा हुँदै
- लोकतन्त्रको विकासमा प्रेसजगत्को अहम् भूमिकाः मुख्यमन्त्री कँडेल
- कर्णालीमा ‘औद्योगिक प्रदर्शनी प्रतियोगिता’ भोलिदेखि
- औद्योगिक प्रदर्शनी प्रतियोगितामा राडीपाखी उद्योग प्रथम
- अब हाम्रो अभिभारा जनताको अवस्था बदल्नेः मुख्यमन्त्री
- नेपालको आर्थिक समृद्धिको ढोका दैलेखबाट खुल्छः मन्त्री भण्डारी
- सामुदायिक मानसिक स्वास्थ्यसम्बन्धी अन्तर्राष्ट्रिय सम्मेलनमा ‘जुम्ला घोषणापत्र’ जारी