नवलपरासीको अमरापुरीमा आज सार्वजनिक हुनुभएका विद्रोही नेकपामा महासचिव नेत्रविक्रम चन्द (विप्लव) काठमाडौं उपत्यका भित्रिनु भएको छ।
आज बिहान निजी गाडी चढेर नवलपरासीबाट प्रस्थान गर्नुभएका उहाँ केहीबेर अगाडि काठमाडौं भित्रिनुभएको हो । । सुरक्षा स्रोतका अनुसार उहाँ नागढुंगा नाकाबाट काठमाडौं आइपुग्नुभएको छ । नवलपरासी (बर्दघाट–सुस्तापूर्व) नवलपुरको देवचुली नगरपालिका–१३ बाट आज विप्लव सार्वजनिक हुनु भएको हो ।
आज दिउसो २ः०० बजे बजे राष्ट्रिय सभागृहमा आयोजना हुने विशेष समारोहलाई प्रधानमन्त्री केपी शर्मा ओली र विप्लवले सम्बोधन गर्नु हुनेछ । सो समारोहमा शान्ति प्रक्रियामा आउन दुवै पक्षबाट गरिएको विस्तृत सम्झौतामा सरकारका तर्फबाट प्रधानमन्त्री केपी ओली शर्मा र नेकपाबाट महासचिव विप्लवले हस्ताक्षर गर्ने जनाईएको छ ।
समारोहमा सहभागी हुन विप्लव काठमाडौं जान लागेको सूचना पाएपछि प्रहरीले चितवनबाट स्कर्टिङ गरेको थियो ।
सरकारले हिजो विप्लव समूहमाथि लगाएको प्रतिबन्ध फुकुवा गरेको थियो ।
