कोरपाटी संवाददातापौष १३, २०७९सुर्खेत
३५६ पटक
१३ पुस २०७९, बुधबार
नेकपा एमाले कर्णाली प्रदेशसभा दलको नेतामा यामलाल कँडेल चयन हुनुभएको छ ।
नेकपा एमाले कर्णाली प्रदेश समितिको आज बसेको बैठकले कँडेललाई सर्वसम्मत रुपमा दलको नेतामा चयन गरेको हो । सुर्खेत क्षेत्र नं. २(१)बाट निर्वाचित प्रदेशसभा सदस्य कँडेलसँगै दैलेख क्षेत्र २(२)बाट निर्वाचित प्रदेशसभा सदस्य एवं नेकपा एमाले कर्णाली प्रदेश अध्यक्ष विनोदकुमार शाहको दावी थियो ।
आफूले दावी छोडेपछि कँडेल सर्वसम्मत दलको नेतामा चयन भएको अध्यक्ष शाहले जानकारी दिनुभयो । नेता कँडेल विसं.२०७४ मा पनि प्रदेशसभा सदस्य निर्वाचित हुनुभएको थियो । हाल उहाँ नेकपा एमालेको स्थायी कमिटि सदस्य र कर्णाली प्रदेश इञ्चार्ज हुनुहुन्छ ।
