पौष २७, २०७७
९७० पटक
२७ पुस २०७७, सोमबार
कर्णाली प्रदेश सरकारका सामाजिक विकासमन्त्री दल रावललाई कोरोना संक्रमण पुष्टि भएको छ ।
यही पुस २६ गते आईतबारका दिन मन्त्री रावललाई पीसीआर जिन एक्सपर्ट परीक्षण गर्दा कोरोना संक्रमण पुष्टि भएको कर्णाली प्रदेश अस्पताल सुर्खेतका निर्देशक डा.डम्बर खड्काले जानकारी दिनुभयो ।
“कोरोना पुष्टि भएपछि उहाँ (मन्त्री) को स्वास्थ्य अवस्था विशेषज्ञ चिकित्सकबाट जाँच गराईएको थियो,” निर्देशक डा.खड्काले भन्नुभयो, “चिकित्सकको सुझाव सल्लाह अनुसार थप उपचारका लागि मन्त्री रावललाई काठमाडौं पठाईएको छ ।”
कर्णाली प्रदेश अस्पताल सुर्खेतले आज एक प्रेस विज्ञप्ति जारी गर्दै मन्त्री रावलको शीघ्र स्वास्थ्य लाभको कामना गरेको छ ।
