जेठ १७, २०७७
१७१६ पटक
१७ जेठ २०७७, शनिबार
कर्णाली स्वास्थ्य विज्ञान प्रतिष्ठान शिक्षण अस्पतालमा स्वाब परीक्षण गरिएका मध्य कालिकोटमा १७ जनामा कोरोना पोजेटिभ देखिएको छ ।
प्रतिष्ठानको प्रयोगशाला विभागले सार्वजनिक गरेको प्रतिवेदन अनुसार कालिकोट शुभकालिका गाउँपालिकाका १२ जना र महावै गाउँपालिकाका ५ जना रहेका छन् । यसैगरी बाजुरा जुजनाथ पाँचका १ जनामा कोरोना पोजेटिभ देखिएको प्रतिष्ठानले जनाएको छ ।
यसैगरी यस अघि देलेखको दुल्लुमा क्वारेन्टाईनमा बसेर मृत्यू भएका ३५ बर्षिय पुरुषको रिपोट समेत पोजेटिभ आएको सामाजिक विकास मन्त्रालय कर्णाली प्रदेशले जनाएको छ ।
साविक कर्णालीको कालीकोटमा १७ जना र बाजुराको एक जनामा कोरोना संक्रमण पोजेटिभ पुष्टि भएसँगै अब कर्णालीमा कोरोनाबाट संक्रमित हुनेहरुको संख्या ७८ पुगेको छ ।
