OnlinePana

आज : २०८० फागुन १३ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताजेठ १२, २०७७ सुर्खेत
११५३ पटक

सुर्खेत, ११ जेठ २०७७ मंगलबार

कर्णाली प्रदेशमा कोरोना संक्रमित हुने नागरिकको संख्या ११ पुगेको छ । कर्णाली प्रदेश सामाजिक विकास मन्त्रालयले पछिल्लो २४ घण्टामा कर्णालीमा कोरोना संक्रमित हुनेको संख्या थपा ७ पुगेको पुष्टि गरेको छ ।

भेरी अञ्चल अस्पताल बाँके, नेपालगञ्जमा आरटी पिसिआर परीक्षण गरिएका दैलेख नारायण नगरपालिकाका १५, १८ वर्ष र डुंगेश्वर गाउँपालिका २७, २९ वर्षका पुरुष र २५ वर्षीय एक महिलामा कोरोना पुष्टि भएको कर्णाली प्रदेश सामाजिक विकास मन्त्रालय स्वास्थ्य महाशाखा प्रमुख डा.लक्ष्मीनाराण तिवारीले जानकारी दिनुभयो ।

त्यस्तै, प्रदेश अस्पताल तथा पशुपंक्षी रोग अन्वेषण प्रयोगशाला सुर्खेतमा आरटी परीक्षण गरिएका दैलेख गुराँस गाउँपालिकाका २४ र ३५ वर्षीय पुरुषमा कोरोना पुष्टि भएको महाशाखा प्रमुख डा.तिवारीले बताउनुभयो । महाशाखा प्रमुख तिवारीका अनुसार यस अघि जेठ ५ गते दैलेख आठबिस नगरपालिकाका ३५ वर्षीय पुरुष र जेठ १० गते सुर्खेत पश्चिमका बराहताल गाउँपालिकाका दुई र चौकुने गाउँपालिकाका एक जनामा कोराना संक्रमण पुष्टि भएको थियो ।

यसअ अघिका कोरोना संक्रमित चार जनालाई प्रदेश अस्पताल सुर्खेतको आइसोलेसनमा राखिएको छ । यो २४ घण्टाभित्र पुष्टिका सात जनालाई दैलेखको जिल्ला अस्पतालमा निर्माण भएको आईसोलेसनमा राख्ने तयारी भईरहेको र संक्रमित सबैको अवस्था सामान्य रहेको स्वास्थ्य सेवा महाशाखा कर्णाली प्रदेशले जनाएको छ ।

प्रतिकृया दिनुहोस्