२०७८ मंशिर १६ गते,
मध्यपश्चिम विश्वविद्यालयको एघारौं सभाको बैठक सम्पन्न भएको छ । प्रधानमन्त्री शेरवहादुर देउवाको निजी सचिवालय बालुवाटार, काठमाण्डौंमा सिनेट सम्पन्न भएको उपकुलपति नन्दबहादुर सिंहले जानकारी दिनुभयो । उक्त सभाको अध्यक्षता प्रधानमन्त्री एवं मध्यपश्चिम विश्वविद्यालयका कुलपति शेरबहादुर देउवा ज्यूले गर्नु भएको थियो । सभाको वैठकमा शिक्षा, विज्ञान तथा प्रविधि मन्त्री एवं विश्वविद्यालयका सहकुलपति देवेन्द्र पौडेल समेत उपस्थित भएको थियो ।
सभामा सांसद, विश्वविद्यालय अनुदान आयोगका अध्यक्ष, त्रिभुवन विश्वविद्यालय र पुर्वाञ्चल विश्वविद्यालयका उपकुलपति, मपवि सेवा आयोगका अध्यक्ष तथा सदस्य, मपवि रजिष्ट्रार, सभासद तथा आमन्त्रित विशिष्ठ महानुभावहरू लगायतको उपस्थिति रहेको थियो ।
विश्वविद्यालयको एघारौं सभामा स्वागत मन्तव्य एवं विषय प्रवेश मध्यपश्चिम विश्वविद्यालयका उपकुलपति प्रा. डा. नन्दबहादुर सिंहले प्रस्तुत गर्नुभएको थियो भने रजिष्ट्रार प्रा. डा. नारायण प्रसाद पौडेलज्यूले सभाको संचालन गर्नु भएको थियो।
