१६ मंसिर २०८१, आईतबार
आज सम्पन्न भएको निर्वाचनमा तिलागुफा नगरपालिका ४ कालीकोटको वडाध्यक्ष पदमा नेपाल मजदुर किसान पार्टीका खड्कराज शाही विजयी हुनुभएको छ ।
कुल छ सय ९ मतदाता संख्या रहेको उक्त वडामा चार सय ११ मत खसेको थियो । खसेको मतमा एक सय ४३ मत प्राप्त गरी नेमकिपाका शाही विजयी हुनुभएको प्रदेश निर्वाचन अधिकारी चालिसेले बताउनुभयो । उहाँका शाहीका निकटतम् प्रतिद्वन्द्वी नेकपा माओवादी केन्द्रका नैशोभा शाहीले एक सय १५ मत प्राप्त गर्नुभएको थियो ।
उक्त उपनिर्वाचनमा नेकपा एमालेका ऐनबहादुर शाहीले ७८, नेपाली काँग्रेसका पैलबहादुर शाहीले ४९, राप्रपका गोगनबहादुर शाहीले १७, राष्ट्रिय स्वतन्त्र पार्टीका गगन बमले पाँच मत प्राप्त गर्नुभएको र चार मत बदर भएको उहाँले जनाउनुभयो । कर्णालीका प्रदेशका विभिन्न स्थानीय तहमा रिक्त रहेका आठ जनप्रतिनिधिको पदमा यही मंसिर २ गते ४४ जना उम्मेदवारले मनोनयन दर्ता गराएका थिए ।
