२१ पुस २०८०, शनिबार
नेपाल सुनचाँदी रत्न तथा आभूषण संघ कर्णाली प्रदेश समिति अध्यक्षमा देवीकृष्ण पाण्डेय निर्वाचित हुनुभएको छ । शनिबार सम्पन्न संघको तेस्रो साधारणसभा तथा दोस्रो महाधिवेशनबाट निर्विरोध निर्वाचित पाण्डेयको अध्यक्षतामा १४ सदस्यीय प्रदेश कार्य समिति चयन भएको हो ।
उपाध्यक्षमा सोमन नारायण कौशल, महासचिवमा टेकेशकुमार सुनार, सचिवद्वय हिरालाल सुनार र नरेशकुमार र कोषाध्यक्षमा जगतकुमार विश्वकर्मा चयन हुनुभएको नवनिर्वाचित अध्यक्ष पाण्डेयले जानकारी दिनुभयो ।
त्यसैगरी, सदस्यहरुमा कुमार विश्वकर्मा, कोमलसिंह विश्वकर्मा, अनिपाल पाण्डेय, कविराज न्यौपाने, दिलराम सुनार, धनबहादुर सुनार, विशाल सुनार र खगेन्द्र सुनार चयन भएको उहाँले जनाउनुभयो । उक्त कार्य समितिको पदावधि तीन वर्षको हुनेछ ।
त्यस्तै, कर्णाली सुनचाँदी रत्न तथा आभूषण संघको १७ सदस्यीय जिल्ला कार्य समिति पनि शनिबार नै चयन भएको छ । उक्त कार्य समितिको अध्यक्षमा दिनेश घिमिरे निर्विरोध निर्वाचित हुनुभएको हो । बरिष्ठ उपाध्यक्षमा सन्तोष बराईली, प्रथम उपाध्यक्षमा कमल खड्का (जूनी), द्वितिय उपाध्यक्षमा गोविन्द गहतराज, महासचिवमा मदनकुमार सिंह, सचिवमा सुरेन्द्र विश्वकर्मा र कोषाध्यक्षमा गणेश गौतम चयन हुनुभएको छ ।
उक्त कार्य समितिको सदस्यहरुमा जंगबहादुर सुनार, झपेन्द्र गहतराज, नरबहादुर सुनार, राजकुमार सुनार, दिपक सुनार, नवीन लोहोनी, बीरबहादुर सुनार (प्रकाश), सुरज विश्वकर्मा र बीरबहादुर सुनार चयन हुनुभएको छ । समितिको कार्यावधि तीन वर्षको हुने जनाईएको छ ।
