OnlinePana

आज : २०७८ कार्तिक ८ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताबैशाख १२, २०७८सुर्खेत
३११ पटक

 १२ बैशाख २०७८, आईतबार

कर्णाली प्रदेश सरकारको दोस्रो प्रदेश विकास परिषद् बैठक आज बस्ने भएको छ । मुख्यमन्त्री महेन्द्रबहादुर शाहीको अध्यक्षतामा बैठक आज बिहान ११ः०० बजेबाट शुरु हुँदैछ ।

कर्णाली प्रदेश सरकार तथा प्रदेश योजना आयोगद्वारा आयोजित बैठकमा प्रथमतः कर्णाली प्रदेश नीति तथा योजना आयोगका उपाध्यक्ष डा.सर्वराज खड्काले कर्णाली प्रदेशको प्रथम पञ्चवर्षीय योजनाको कार्यान्वयनबारे कार्यपत्र प्रस्तुत गर्ने र त्यसमा छलफल हुने प्रदेश विकास परिषद्को दोस्रो बैठक तयारी समिति संयोजक तथा आयोगका सदस्य डा.दीपेन्द्र रोकायले जानकारी दिनुभयो ।

त्यस्तै, बैठकमा संयोजक डा.रोकायले चालु आर्थिक वर्ष २०७७÷०७८ को नीति तथा कार्यक्रम र बजेटको कार्यान्वयन र आगामी आर्थिक वर्षका लागि लिनुपर्ने नीति, कार्यक्रम र बजेट सम्बन्धीको कार्यपत्र प्रस्तुत गर्नुहुनेछ र त्यसपश्चात् राय सुझाव लिईने तालिका सार्वजनिक गरिएको छ । आयोगका सदस्य योगेन्द्र शाही र दिव्यराज पोखरेलले प्रस्तुत गर्ने परियोजना बैंक र लगानी सम्मेलन तथा सह–लगानीका सम्बन्धमा बैठकमा छलफल गरी परिषद्को मार्गदर्शन लिइने जनाईएको छ ।

प्रदेश विकास परिषद्को दोस्रो बैठक आयोजना तयारी व्यवस्थापन समिति, २०७८ को लागि यही वैशाख ६ गते बसेको बैठकले निर्देशक समिति, सचिवालय, सूचना, सञ्चार तथा जनसम्पर्क समिति, बैठकस्थलको व्यवस्थापन र शिष्टाचार समिति, वित्त तथा लजिष्टिक व्यवस्थान समिति र प्रतिवेदन समिति निर्माण गरेबमोजिम बैठकको आयोजना भएको बताईएको छ ।

उक्त बैठकमा सह–अध्यक्षको रुपमा आर्थिक मामिला तथा योजना मन्त्री बिमला केसीले आफ्ने मन्तव्यसहितको बैठकका निर्णयको वाचन गर्नुहुनेछ ।

बैठकमा प्रदेश सरकारका मन्त्रीहरु, प्रदेशसभा दलका प्रमुख नेताहरु, समितिका अध्यक्षहरु, आयोगका पदाधिकारीहरु, प्रदेश सचिवहरु, जिल्ला समन्वय प्रमुखहरु, नगरपालिका तथा गाउँपालिकाका प्रमुख÷अध्यक्षहरु, विभिन्न क्षेत्रबाट मनोनित पाँचजना, कर्णाली विज्ञ समुहका साथै लब्धप्रतिष्ठित व्यक्तिहरुलाई आमन्त्रण गरिएको सयोजक डा.रोकायले बताउनुभयो । उहाँका अनुसार सो बैठक भर्चुअल रुपमा सञ्चालन हुनेछ ।

प्रतिकृया दिनुहोस्