४ चैत २०७७, बुधबार
नाग्म–गमगढी राजमार्गको अत्यधिक कडा चट्टान भएको जिअ भिड चक्ल्याईएको छ ।
कठिन ढुंगाको चट्टानका बिचबाट खोलिएको चार मिटर बाटोलाई ६ देखि ७ मिटर बनाईएपछि नाग्म गमगडी राजमार्गको यात्रामा सहज हुने भएको छ । यातायातमा डर लाग्ने विशेषगरी सार्वजनिक ठूला गाडीहरु हिड्न कठिन सो मोड र क्षेत्रको एक हजार आठसय मिटर सडक चक्ल्याईएको डिभिजन सडक कार्यालय जुम्लाले जानकारी दिएको छ ।
डिभिजन सडक प्रमुख लिलाबहादुर भण्डारीका अनुसार नाग्म गमगडी राजमार्गकै कठिन क्षेत्र भएको जिअ भिडको अनुगमन समेत गरेर हेर्दा ठिकै काम भएको बताउनुभयो । थोदुङ कन्स्टक्सनले जिम्मा लिएको सो क्षेत्रको काम सम्पन्न भएको तर भुक्तानी भने बाँकी रहेको उहाँले जानकारी दिनुभयो । रु दुई करोड २० लाख बजेटको उक्त निर्माण कार्य सम्पन्न भएको जनाउनुभयो ।
सुधारहुदै सडकः
यसैगरी नाग्म गमगडी राजमार्गको धेरै जसो क्षेत्रमा बाटो सुधार भएको र बन्ने क्रम जारी भएकाले यो आर्थिक वर्षमा गाडी सजिलै गुड्नेगरी काम भईरहेको डिभिजन सडकले जनाएको छ ।
डिभिजन प्रमुख भण्डारीका अनुसार धेरै जसो स्थानमा सुधार भएको छ । सबैभन्दा बढि हिलो क्षेत्र सिञ्जाको घोडेड्गामा सुधार भयो । गुठिज्यूला पनि गाडी अड्किने सम्भावना छैन । रोकायावाडामा पनि सुधार भएको छ ।
सडक हिलो र खाल्डाखुल्डीले गर्दा रारा सिञ्जा जाने पर्यटकहरुलाई सास्ती भईरहेको समयमा ग्राभेल र स्तरवद्धि पछि सजिलो हुने भएको छ ।
यसैगरी जुम्लाको कनकासुन्दरी गाउँपालिका र मुगुको सिमाना भुलभुले देखी सातमोड सम्म ग्राभेल भएको हुदा त्यहाँ पनि गाडी बर्खा याममा सजिलै गुडने भएको छ ।अब मुगु क्षेत्रको अलिकति पिनाको अगाडि थोरै ग्राभेल र ताल्चाको उकालोमा ग्राभेल हुन बाँकी रहेको र यही आर्थिक वर्षमा बनाउने सरकारको लक्ष्य रहेको कार्यालयले जनाएको छ । सिञ्जा क्षेत्रको नाग्म गमगडी राजमार्गको १३ किलोमिटर बाँकी ग्राभेल पनि शुरु गर्न थालिएको छ । स्थानीय बलबहादुर शाही र सुभाष महतले कामको जिम्मा लिएर काम थालिएको जनाईएको छ ।
सो राजमार्गमा भने योजना अनुसारको काम सम्पन्न गर्न आवश्यक बजेट रु २० करोड रहेको छ । डिभिजन प्रमुख भण्डारीका अनुसार सो बजेट माग गरिएको र चाडै आउने आशा भएको बताउनुभयो ।
नाग्म गमगडी राजमार्गमा निर्माण व्यवासयीले काम लिने तर छोडेर जाने प्रवृत्तिले ढिलाई भएको समयमा यस वर्ष भने कामहरु भईरहेको स्थानीय बताउछन् । स्थानीय शिक्षक खम्बा शाहीका अनुसार राजमार्ग स्तरवृद्धि भएमा स्थानीय यात्रा तथा पर्यटकलाई सजिलो हुने बताउनुभयो ।
नेत्र शाही,चैत्र ४, २०७७जुम्ला
१२४५ पटक
- अस्थायी कर्मचारी संगठनका अध्यक्ष, शक्तिको आडमा १७ वर्षदेखि एउटै कार्यालयमा
- हिमाको ओदीमा रु दुईलाख राशीको भलिवल प्रतियोगिता
- प्रभावकारी सेवा प्रवाह र राजश्व वृद्धिमा ध्यान दिन वनमन्त्री अधिकारीको निर्देशन
- जुम्ला राजासिममा घोडादौड प्रतियोगिता : तपेन्द्र रावल प्रथम
- चन्दननाथ नगरपालिकामा बिपतमा खट्ने स्वयंसेवक व्यूरो गठन
- जिल्ला प्रहरी कार्यालयद्धारा नागरिक सुनुवाई तथा शुभकामना आदान प्रदान
- खत्याड गाउँपालिकामा १० जना गाउँपालिका प्रहरी दिक्षित
- जुम्लामा ३४ औ ज्येष्ठ नागरिक दिवस विभिन्न कार्यक्रम गरी मनाईयो
- खेल क्षेत्रले भावनात्मक एकता बढाएको छः मन्त्री भण्डारी
- शान्ति सुरक्षा सँगै समन्वयात्मक भूमिकामा जोड दिन्छु : प्रजिअ शाही