२०७७ जेठ १९, सोमबार
नेपालमा कोरोना संक्रमितको संख्या एक हजार ७९८ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा सोमबार थप २२६ जनामा कोरोना संक्रमण पुष्टि भएको स्वास्थ्य मन्त्रालयले जनाएको हो । यो अहिलेसम्मकै धेरै संख्या हो । मन्त्रालयले आयोजना गरेको नियमित मिडिया ब्रिफिङमा प्रवक्ता डा.विकास देवकोटाले संक्रमितको संख्या एक हजार ७९८ पुगेको बताउनुभयो ।
मुलुकका विभिन्न जिल्लामा आज संक्रमित हुनेहरुमा
दैलेखका ४१
कपिलवस्तुका ४०
सर्लाहीका ३८
जुम्लाका १९
रौटहतका १८
कैलालीका १४
सल्यानका १०
दाङका ९
बाँकेका ७
धनुषाका ७
सुर्खेतका ५
सिरहाका ५
नवलपरासी पूर्वका ३
पाल्पा ३
रुपन्देही २
झापाका २
महोत्तरीका २
मकवानपुरका १
उदयपुरका १
अछामका १
बैतडीका १
डोटीका १
कञ्चनपुरका १
त्यस्तै, क्वारेन्टाइनमा रहनेको संख्या एक लाख ३३ हजार ९७५ रहेको जनाईएको छ । आइसोलेसनमा रहनेको संख्या देशैभरि एक हजार ५६९ जना रहेको छ । मन्त्रालयका अनुुसार सोमबारसम्म नेपालमा आरडिटी विधिबाट एक लाख १३ हजार ७५७ नमुना परीक्षण भएका छन् । पिसिआर विधिबाट भने हालसम्म ७१ हजार ९ सय ३ परीक्षणहरु गरिएका छन् ।
हालसम्म कोरोना संक्रमणले सिन्धुपाल्चोकमा एक, बाँकेमा एक, गुल्मीमा एक, बाराका एक, ललितपुरका एक र अर्घाखाँचीका एक, दैलेखका एक, बाजुराका एक गरी ८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
