OnlinePana

आज : २०८१ बैशाख १ गतेPreeti to UnicodeUnicode to PreetiRoman to UnicodeDate Converter
नेत्र शाही ,माघ २६, २०८०जुम्ला,
२१७ पटक

माघ २६ गते । जुम्लामा लागु औषधको नियन्त्रणका लागि जिल्ला स्तरमा साझा रुपमा अगाडि बढ्न तयारी गर्न गृहकार्य भएको छ । जिल्ला प्रहरी कार्यालय जुम्लाको आयोजनामा साझा अभियान अन्तरगत पहिलो चरणमा लागु औषध विरुद्धको लालटिन समन्वय समिति, जिल्ला प्रहरी कार्यालय जुम्ला, चन्दननाथ नगरपालिकाका, नेपाल पत्रकार महासंघ शाखा जुम्ला विचमा सुझाव संकलन तथा कसरी अगाडि जाने भन्ने बिषयमा अन्तरक्रिया गरिएको छ ।

अन्तरक्रियामा सवै वडामा सुचनापेटी राख्न पहल गर्ने सहित ३ वटा निर्णय भएको छ, प्रहरी नायव उपरीक्षक प्रल्हाद कार्कीका अनुसार लागु औषध नियन्त्रण गर्न प्रहरीले मात्रै सम्भव नहुने भन्दै सवैको सहकार्यमा कसरी नियन्त्रण गर्न आकश्मिक वैठकको तयारी गरिएको जानकारी दिनुभयो ।

प्रहरीले थालेको पहिलो वैठकमा एक महिना भित्र स्थानीय तहका प्रमुख, उपप्रमुख सहित सरोकारवाला निकायको उपस्थितिमा कार्यक्रम गरि जिल्लाको रणनितिक योजना तयार गनर्,े समाजका विकृतिलाई प्रभावकारी ढंगले कार्यसम्पादन गर्न सवैले आफ्नो क्षेत्रमा काम गर्ने, लागु औषधमा संलग्न व्यक्तिहरुलाई नेपाल प्रहरी माताहतको सुधार केन्द्र आश्रा केन्द्र स्थापना गर्न जग्गा प्राप्तिका लागि पहल गर्ने निर्णय भएको छ ।

अन्तरक्रियामा सरोकारवाला निकायले यस सवालमा सूचना दिने देखी विभिन्न काममा सहयोग गर्ने प्रतिवद्धता जनाएका छन् । चन्दननाथ नगरपालिकाका नगरउपप्रमु रामदेवी खड्काले हाम्रो समाजमा लागु औषधको विषय गम्भिर रुपमा आएर अगाडि बढेकाले स्थानीय सरकारको निति कार्यक्रममा प्रथामिकता हुने बताउनुभयो ।

चन्दननाथ नगरपालिका २ स्थित गोमा खत्री भण्डारीले महिला सञ्जाल मार्फत सचेतनाका अभियान अगाडि बढाउन अनुरोध गर्नु भयो । जुम्लामा लागु औषध प्रयोग र विक्रीकर्ता बढ्दै गईरहेको समयमा जिल्ला लागु औषध विरुद्धको लालटिन समन्वय समितिले सक्रियता जनाएको छ । प्रदेश प्रहरी कार्यालयको योजना अनुसार जिल्ला प्रहरी निरीक्षक उमेश चन्द्धको नेतृत्वमा लालटिन समन्वय समिति छ । समितिले स्थानीय सरकार र सरोकारवाला निकाय सँग समन्वय गरेर सचेतना कार्यक्रम, नियन्त्रण गर्ने उपायका विषयमा रणनिति वनाउने प्रयास गरिएको समितिका अध्यक्ष तथा प्रहरी निरीक्षक चन्द्धले जानकारी दिनुभयो । जुम्लामा चालु आ.व.मा यो बर्षको हाल सम्म १२ वटा लागु औषधका मुद्दा दर्ता भएका छन् । जसमा २८ जनालाई कारवाही गरिएको जिल्ला प्रहरी कार्यालय जुम्लाले जानकारी दिएको छ ।

क्याप्सन ः जिल्ला प्रहरी कार्यालय जुम्लाले गरेको अन्तरक्रिया तस्बिर नेत्र शाही जुम्ला ।

 

प्रतिकृया दिनुहोस्