OnlinePana

आज : २०८१ बैशाख १२ गतेPreeti to UnicodeUnicode to PreetiRoman to UnicodeDate Converter
नेत्र शाही ।साउन २२, २०८०जुम्ला,
४५७ पटक

साउन २२ गते, कर्णाली स्वास्थ्य विज्ञान प्रतिष्ठान शिक्षण अस्पतालका नर्सहरुले स्तनपान शिक्षा दिन शुरु गरेका छन् ।
उनिहरुले सेवामा आएका आमाहरुलाई स्तनपान शिक्षा दिन थालेका हुन् । नर्सहरुले वच्चालाई कसरी प्रभावकारी रुपमा दुध चुसादा ठिक हुन्छ सो बिषय लगायत पौष्टिक आहार र विभिन्न विषयमा शिक्षा दिदै आउने काम शुरु भएको हो ।

प्रतिष्ठानका नर्सिङ निर्देशक सविना थापाका अनुसार यस पटक स्तनपान सप्ताहको अवसरमा एक हप्ताभरी विभिन्न कामहरु गर्दै आएका छौ, उहाँले भन्नुभयो, अगष्ट १ देखी ७ सम्मको अन्तरािष्ट्रय स्तनपान सप्ताहमा प्रतिष्ठानका नर्सहरु, डाक्टर र अध्ययनरत विद्यार्थी र सेवाग्राही आमाहरुको सहभागितामा विभिन्न सचेतना कार्यक्रमहरु गरेका छौ ।

कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा कार्यरत नर्स तथा चिकित्सकले स्तनपान सप्ताहको अवसरमा स्तनपान शिक्षा, प्रर्दशनी, सहित विभिन्न कामहरु गरेर मनाएका छन् ।

उहाँका अनुसार अगष्ट १ मा आमाहरुलाई स्तनपान कसरी गर्ने भन्ने विषयमा स्वास्थ्य शिक्षा, अगष्ट २ मा फोकस ग्रुप छलफल, अगष्ट ४ मा स्तनपान शिक्षाको विषयमा प्रर्दशनी लगायतका कार्यक्रमहरुको सचेतना कार्यक्रम गरिएका छन् । यसैगरी सचेतना कार्यक्रममा आमाहरुलाई दुध पछि सम्म कसरी स्टोर गरेर खुवाउन सकिन्छ भन्ने सहितका स्वास्थ्य शिक्षाको सचेतना दिईएको छ । सचेतना कार्यक्रमममा नर्सिङ निर्देशक थापा सहित मिडवाफ्री अफिसर सविता खड्का सहित प्रतिष्ठानका नर्स तथा डाक्टरहरुले स्तानपान सप्ताहको अवसरमा गरिएका कार्यक्रममा सहभागिता जनाएका छन् ।

नर्सहरुले आमाहरुलाई दुध कुन तापक्रममा कसरी स्टक गर्ने भन्ने बिषयमा पनि आमाहरुलाई जानकारी गराईएको छ । अस्पतालमा जाँच गराउन आएका, सुत्केरी भएका र उपचारका लागि आएका आमाहरुलाई सप्ताहको अवसरमा अण्डा लगायतका फलफुल समेत वितरण गरिएको र समापनमा बृहत रयाली गरिने तालिका रहेको छ ।

प्रतिकृया दिनुहोस्