१२ भदौं २०८२, बिहीबार
कर्णाली प्रदेश सरकारका मुख्यमन्त्री यामलाल कँडेलले नयाँ पुस्तालाई उद्यम व्यवसायमा आकर्षण गर्न बैंक तथा वित्तीय संस्थाहरुले आफना नीतिमा सरलीकृत गर्नुपर्ने बताउनुभएको छ ।
कर्णाली प्रदेशको आर्थिक मामिला तथा योजना मन्त्रालयले आज सुर्खेत वीरेन्द्रनगरमा आयोजना गरेको प्रदेशस्तरीय बैंक तथा वित्तिय संस्थाहरुसँको छलफल कार्यक्रममा उहाँले युवा लक्षित आकर्षणका कार्यक्रमले रोजगारी सिर्जना हुने बताउनुभयो । मुख्यमन्त्री कँडेललले झन्झटिलो प्रक्रियाले उद्यमशीलता गर्ने चाहना हुँदाहुदै पनि रोकिनुपरेको तर्फ बैकहरुको ध्यानाकर्षण गराउनुभयो ।
कर्णालीबाट रोजगारीको लागि विदेसिने जनशक्तिलाई प्रदेशमै कुनै उद्यम व्यवसाय सञ्चालन गर्न सकिन्छ भन्ने सोचको विकास गराउनेतर्फ बैकहरुले वित्तीय साक्षरता कार्यक्रम चलाउनुपर्ने चलाउन सुझाउँदै उहाँले भन्नुभयो, सेवाग्राही बैक खोज्दै होइन, तपाईहरु सेवाग्राही खोज्दै जानुस । उद्यम व्यवसायमा जति लगानी बढायो त्यतिनै आर्थिक क्षेत्र चलाएमान हुने र रोजगारी सृजना हुने हुँदा बैकहरुले सेवाग्राहीको पहुँचलाई सरलीकृत बनाउँदै लैजानपर्द ।
बैंकका पनि आआफना सीमाहरु हुने बताउँदै मुख्यमन्त्री कँडेलले नागरिकलले महसुस हुने सरलीकृत गर्ने काममा कमजोरी देखिएको जनाउनुभयो । बैकहरुले सम्पत्ति मूल्याङकनमा समेत विभेद गरेको सुनेको भन्दै उहाँले लगानीको जोखिम नहुने गरी सम्पत्ति मूल्याङकनमा विभेद नगर्न बैकहरु आग्रह गर्नुभयो । विकास र समृद्धिको प्रशस्त सम्भावना भएपनि कर्णाली पछि परेकोले बैकहरुले यहाँको लगानी नीति बनाँउदा अरु प्रदेशसँग तुलाना नगर्न पनि उहाँले सुझाव दिनुभयो ।
मुख्यमन्त्री कँडेलले बिगतमा प्रदेश सरकारले दिदै आएको अनुदानको बारेमा नराकात्मक टिप्पणी र दुरुपयोगको सम्भावनालाई मध्यनजर गर्दै चालु आर्थिक वर्षदेखि ब्याज अनुदानको कार्यक्रमका क्षेत्रलाई विस्तार गरिएको उल्लेख गर्नुभयो । अन्तरक्रिया कार्यक्रममा आर्थिक मामिला तथा योजना मन्त्रालयका सचिव यज्ञ पुरीले प्रदेश सरकारबाट बैकहरुमार्फत कार्यान्वयन हुने ब्याज अनुदान तथा कार्यक्रमहरुबारे जानकारी गर्नुभएको थियो ।
