![](https://corepati.com/wp-content/uploads/2021/06/830-X-100.jpg)
![](https://corepati.com/wp-content/uploads/2022/11/fnjskt-424x600.jpg)
१२ मंसिर २०७९, सोमबार
नेपाल पत्रकार महासंघको पुस पहिलो साता सुर्खेतमा हुने केन्द्रीय साधारणसभाको तयारी थालिएको छ ।
नेपाल पत्रकार महासंघ जिल्ला शाखा सुर्खेतले आज एक प्रेस विज्ञप्ति जारी गर्दै आसन्न पुस ८ र ९ गते कर्णाली प्रदेशको राजधानी वीरेन्द्रनगरमा केन्द्रीय साधारणसभा गर्ने महासंघको निर्णयलाई स्वागत गरेको छ । जिल्ला शाखा सुर्खेतले उक्त साधारणसभाको भव्य सम्पन्नताको लागि आठवटा उपसमिति गठन गरेको छ ।
महासंघका अध्यक्ष ललित बसेलको अध्यक्षतामा आज बसेको बैठकले साधारणसभा सफल बनाउन आवास तथा व्यवस्थापन, मञ्च व्यवस्थापन, अतिथि सत्कार, प्रचार, प्रकाशन, साँस्कृतिक, आर्थिक र पर्यटन उपसमिति गठन गरेको सचिव ललित बसेलले जानकारी दिनुभयो । उहाँका अनुसार समितिमा रहेका सातजना पदाधिकारीको संयोजकत्वमा उपसमितिहरु गठन गरिएका छन् ।
अध्यक्ष बसेलले कर्णालीमा हालसम्म कुनैपनि केन्द्रीयस्तरका कार्यक्रम हुन नसकिरहेको बेला महासंघको केन्द्रीय साधारणसभा राजधानी वीरेन्द्रनगरमा हुनु गौरवको विषय भएको बताउनुभयो । मुलुकको समग्र क्षेत्रको खबरदारी गर्ने महासंघको यस कार्यक्रमले यहाँको विकास र समृद्धिमा पनि सहयोग पुग्ने उहाँले जनाउनुभयो । कार्यक्रममा देश विदेशका गरी करिब छ सय पत्रकारहरु सहभागी हुने जनाइएको छ ।